Volvo პირველი საავტომობილო კომპანიაა, რომელმაც თავისი ავტომობილი – კომპაქტური ჰეჩბეკი V40, გარე აირბალიშით აღჭურვა (ფოტოზე). ის კაპოტის უკან არის ჩამალული და სახურავის საქარე შუშას იცავს. ასეთი ბალიშის დანიშნულება, ტრავმებისგან ფეხმავლების დაცვაა. ბალიში ფეხმავალს ავტომობილის მყარ ნაწილზე თავის დარტყმისგან იცავს.

ვოლვო პირველი კომპანიაა, რომელმაც ინტერიერის აირბალიშების გამოყენბა დაიწყო და როგორც ჩანს, გარე ბალიშების შემთხვევაშიც ასე იქნება. ამის დასტურია ის ფაქტი, რომ საავტომობილო მაკომპლექტებლების მწარმოებელმა კომპანიებმა ZF-მა და TRW-მ, რომლებიც ახლახანს გაერთიანდნენ, გარე აირბალიშებთან დაკავშირებით, განსხვავებულ იდეებზე დაიწყეს მუშაობა და უკვე ექსპერიმენტებსაც ატარებენ.

მათ მიერ შემუშავებული ერთ-ერთი იდა იმაში მდგომარეობს, რომ ავტომობილი გარე გვერდითა აირბალიშით აღიჭურვოს, რომელიც გვერდიდან შეჯახებამდე რამდენიმე მილიწამით ადრე გაიბერება და ამგვარად, სალონში მყოფებს ტრავმებისგან დაიცავს. მეორე იდეა გულისხმობს ისეთი მოწყობილობის გამოყენებას, რომელიც ასევე გვერდიდან შეჯახებისას, სავარძლებს ავტომობილის შუისკენ გადააადგილებს და მაქსიმალურად დააშორებს კარს, რომელზეც შეჯახება მოხდა. კომპანია Autoliv-ი, რომელმაც Volvo-ს გარე აირბალიში დაუმზადა, ექსპერიმენტს ატარებს ფოლადის მილზე, რომელიც აირბალიშებს უკავშირდება და საჭიროებისას მათ ერთდროულად ბერავს.

რომ გზებზე ავტონომიური ავტომობილების მომრავლება, საგზაო შემთხვევებს და ტრავმებს შეამცირებს. თუმცა ამის მიუხედავად, ახალი ტიპის აირბალიშების დამკვიდრება მაინც აუცილებელი იქნება. მაგრამ ასეთი ავტომობილების მასობრივად წარმოების დაწყებამდე ჯერაც ბევრი დროა. ამიტომ, უსაფრთხოების გასაუმჯობესებლად, ავტომწარმოებლებს სულ უფრო მეტი სიახლის დანერგვა მოუწევთ.